"მანჩესტერ იუნაიტედის" ნახევარმცველი პოლ პოგბა კლუბის პრესსამსახურს ესაუბრა და განაცხადა, რომ გუნდს ისეთ მოწინააღმდეგეებთან სურს თამაში, როგორებიც "ბარსელონა", "ბაიერნი", მადრიდის "რეალი" არან.
"მე დავბრუნდი "იუნაიტედში" რადგან, ვითამაშო ჩემპიონთა ლიგაზე. ჩემი აზრით, ეს აშკარაა. ვიცოდით, რომ გასულ სეზონში უნდა გვეთამაშა ევროპა ლიგაზე, მაგრამ ჩვენ გვქონდა მკაფიო მიზანი-ამ ტურნირის მოგება ჩემპიონთა ლიგაზე დასაბრუნებლად. მოხარული ვარ, რომ ამის გაკეთება მოვახერხეთ და ახლა ევროპის ყველაზე პრესტიჟულ ტურნირზე ვთამაშობთ.
ჩვენ შესანიშნავი პერსონალი გვყავს, ბევრი ექსპერტი ამბობს, რომ ჩვენი თამაშები ლიგაზე ადვილი იქნება, მაგრამ შემიძლია, გითხრათ, რომ ჩემპიონთა ლიგაზე მარტივი მატჩები არ არსებობს. ჩვენ ვითამაშებთ გუნდების წინააღმდეგ, რომლებიც ყველაფერს გააკეთებენ იმისთვის, რომ დაამარცხონ ისეთი დიდი კლუბი, როგორიც "მანჩესტერ იუნაიტედია".
რა განსხვავებაა ევროპა ლიგასა და ჩემპიონთა ლიგას შორის? ევროპა ლიგაზე ბევრი გუნდია და თითოეული მათგანი ღირსეული მოწინააღმდეგეა, მაგრამ სიმარეთლე გითხრათ, საუკეთესო გუნდები ჩემპიონთა ლიგაზე გამოდიან.
შესაძლებელია, ამ სეზონში ჩვენ მოგვიწიოს ისეთ გუნდებთან ბრძოლა, როგორიც "ბარსელონა", "ბაიერნი", მადრიდის "რეალი" არიან, ამ გუნდებმა არაერთხელ გაიმარჯვეს ტურნირზე, ამიტომ ჩვენთვის მათთან დაპირისპირება განსაკუთრებული გამოწვევა იქნება. ჩვენ მათთან თამაში გვინდა"- განაცხადა პოგბამ.