ვენგერის განცხადებით, მისი ერთ-ერთი ყველაზე დიდი სინანულია, რომ მაიკლ კერიკი არ გაიფორმა, როცა ამის შანსი ჰქონდა
"იუნაიტედის" ნახევარმცველს მეთოფეებს 2004 წელს უკავშირებდნენ, მაგრამ მაშინ მათ "ტოტენჰემმა" აჯობა
ვენგერმა "არსენალის" ვებ-გვერდთან საუბარში განაცხადა, რომ ის დიდი ხნის განმავლობაში მაიკლის თამაშის დიდი გულშემატკივარი იყო და მისი გაწვრთნა ძალიან უნდოდა
"ჩემი სამწვრთნელო კარიერის განმავლობაში მაიკლის თამაშის გულშემატკივარი ვიყავი და ვნანობ, რომ მისი გადმობირება ვერ მოვახერხე"
"მე ყოველთვის მისი თაყვანისმცემელი ვიყავი, რადგან ვფიქრობ, რომ კერიკი პრემიერ ლიგის ისტორიაში ერთ-ერთი საუკეთესო ნახევარმცველია, წარმატებებს ვუსურვებ მომავალში"- განაცხადა ფრანგმა სპეციალისტმა.