ჰენრიხ მხითარიანი კიდევ ერთხელ გახდა "მანჩესტერ იუნაიტედის" თვის საუკეთესო გოლის ავტორი და ამჯერად მაისში "აიაქსის" კარში გატანილი გოლით მიიღო ჯილდო.სომეხი ფეხბურთელის გოლი ევროპა ლიგის ფინალში გუდს გამარჯვებაში დაეხმარა.
მხითარიანს გამოკითხულთა 68%-მა დაუჭირა მხარი, მეორე ადგილი ჯოშ ჰაროპის სადებიუტო გოლს ხვდა წილად, რომელმაც 21%-ის დაგროვება შეძლო, 8%-ით მესამე ადგილი მარკუს რეშფორდის საჯარიმომ დაიკავა, რომლითაც "სელტას" კარი აიღო და ესპანეთში გუნდს გამარჯვება მოუპოვა.
მხითარიანმა ბოლო 6 თვეში მეხუთედ მოიგო თვის საუკეთესო გოლის ჯილდო. "სანდერლენდის" კარში გატანილმა სკორპიონ-დარტყმამ დეკემბრის ჯილდო მოუპოვა, ინგლისის თასის ეგიდით "უიგან ატლეტიკის" კარში გატანილმა გოლმა იანვრის, "ლესტერ სიტისთან" სოლო რეიდისა და კასპერ შმეიხელთან გამკლავებით გატანილმა გოლმა თებერვლის საუკეთესო გოლის ავტორად აქცია, ხოლო "სანდერლენდის" კარში გატანილი გოლით კი აპრილის საუკეთესო გოლის ავტორი გახდა.
თვის საუკეთესო გოლის ავტორები 2016/17 წლის სეზონში:
აგვისტო: ჯესი ლინგარდი ("ლესტერის" კარში გატანილი გოლი) სექტემბერი: ხუან მატა ("ლესტერის" კარში გატანილი გოლი) ოქტომბერი: პოლ პოგბა ("ფენერბაჰჩეს" კარში გატანილი გოლი) ნოემბერი: პოლ პოგბა ("სუონსის" კარში გატანილი გოლი) დეკემბერი: ჰენრიხ მხითარიანი ("სანდერლენდის" კარში გატანილი გოლი) იანვარი: ჰენრიხ მხითარიანი ("უიგანის" კარში გატანილი გოლი) თებერვალი: ჰენრიხ მხითარიანი ("ლესტერის" კარში გატანილი გოლი) მარტი: ჯესი ლინგარდი ("მიდლსბროს" კარში გატანილი გოლი) აპრილი: ჰენრიხ მხითარიანი ("სანდერლენდის" კარში გატანილი გოლი) მაისი: ჰენრიხ მხითარიანი ("აიაქსის" კარში გატანილი გოლი)