რამდენიმე დღის წინ გავრცელდა ინფორმაცია, რომ ანტუან გრიზმანმა "მანჩესტერ იუნაიტედთან" პირადი კონტრაქტი შეათანხმა და ტრანსფერი მალე დასრულდებოდა.
თუმცა ფრანგის მიერ გამოქვეყნებულმა პოსტმა ყველაფერი თავდაყირა დააყენა: "არასდროს აქამდე, როგორც ახლა - "ატლეტიკო", ყველა ერთად", - წერს ფრანგი ფეხბურთელი.
გრიზმანმა აღნიშნული სტატუსი მას შემდეგ გამოაქვეყნა, რაც გავრცელდა ინფორმაცია, რომ "მანჩესტერ იუნაიტედი" მისი შეძენით აღარ იყო დაინტერესებული.
როგორც მოგეხსენებათ, ესპანურ კლუბს ფიფამ სატრანსფერო აკრძალვა შეუნარჩუნა, რის გამოც მადრიდელები ზაფხულში ტრანსფერის განხორციელებას ვერ შეძლებენ. სწორედ ამიტომ, ნაკლებად სავარაუდოა, რომ "ატლეტიკო" თავის ლიდერს შეელიოს.