დეილი ბლინდი მიიჩნევს, რომ პრემიერ ლიგის დარჩენილ ორ მატჩში "მანჩესტერ იუნაიტედმა" განწყობის გაუმჯობესება უნდა სცადოს და ევროპა ლიგის ფინალს კარგ ხასიათზე მყოფი შეხვდეს.
"წითლებმა" ზედიზედ მეორე მარცხი განიცადეს ინგლისის ჩემპიონატში და ამჯერადაც ლონდონში, სადაც ადგილობრივ "ტოტენჰემთან" 2-1 დამარცხდნენ.
"რთული მატჩი იყო და შედეგით კმაყოფილები არ ვართ. თამაშში დაბრუნება ვცადეთ და კარგი შანსი გვქონდა, რომ 2-2 გაგვეხადა ანგარიში რეშფორდის დახმარებით, მაგრამ ვერ გამოვიყენეთ, რაც სამწუხაროა, რადგან მართლაც ძალიან გვსურდა აქ შედეგი მიღება".
"იუნაიტედი" დიდი ხანი ლოდინი არ მოუწევს, სანამ პრემიერ ლიგის მომდევნო მატჩს ჩაატარებს. ოთხშაბათს გუნდი "სენტ მერიზე" "საუთჰემპტონს" დაუპირისპირდება.
"დღეს რთული მატჩი იყო, მაგრამ სვლა არ უნდა შევწყვიტოთ. წინ ორი მატჩია და კარგ განწყობაზე დასრულება გვსურს.
ახლა მომდევნო მატჩზე უნდა ვიფიქროთ და კარგია, რომ ასე მალე მოდის ეს მომდევნო მატჩი. ყველას ესმის შეხვედრების მნიშვნელობა და გუნდურად მზად ვიქნებით."
"საუთჰემპტონის" შემდეგ "წითლები" პრემიერ ლიგის ბოლო ტურის მატჩში "ოლდ ტრაფორდზე" "კრისტალ პალასს" უმასპინძლებენ, რის შემდეგაც სამ დღეში სტოქჰოლმში "აიაქსს" ევროპა ლიგის ფინალში დაუპირისპირდებიან. ჰოლანდიის ნაკრების ფეხბურთელი ნათლად აცნობიერებს თავის ყოფილ გუნდთან მატჩში კარგ განწყობაზე ყოფნის მნიშვნელობას.
"ფინალში მაქსიმალურად კარგი განწყობით თამაში გსურს. ამიტომაც ჩემპიონატის ბოლო ორ მატჩში მნიშვნელოვანია კარგად თამაში და გამარჯვება, კარგი შედეგის მიღებით გუნდში კარგი განწყობა დაისადგურებს".