ჟოზე მოურინიომ თავისი პირველი მატჩი ჩაატარა "მანჩესტერ იუნაიტედის" მთავარი მწვრთნელის რანგში. "წითელმა ეშმაკებმა" სტუმრად "უიგანის" დამარცხება შეძლეს. შეხვედრაში თავი "იუნაიტედის" ორმა ახალგაზრდა ფეხბურთელმა გამოიჩინა. მეორე ტაიმის დებიუტშივე მეკარის შეცდომით ხუან მატამ ისარგებლა და უილ კინს გაატანინა. რამდენიმე წუთში ანდრეას პერეირამ ულამაზესი დარტყმით მატჩის საბოლოო შედეგი, 0-2 დააფიქსირა.
აღსანიშნავია, რომ შეხვედრაში მონაწილეობა "წითელი ეშმაკების" ორმა ახალწვეულმაც მიიღო. მხითარიანმა პირველი ტაიმი ჩაატარა და რამდენიმე სახიფათო მომენტიც შექმნა. ბაიიმ მოედანზე 84 წუთი დაჰყო, თუმცა კოტ'დიუვარელ ცენტრალურ მცველს ბევრი სამუშაო არ ჰქონია.